DROGIELIS ĖŠ VAIKĪSTĖS

User Rating:  / 0
PoorBest 
Parašė Irena Stražinskaitė Glinskienė
Skaitytojų: 2253

 

 

Aš vaikėšku sapnieliu

Lopšelie ėšsūpouta,

Rītėniu spėndolieliu

Ī žōnda pabočiouta.


Švelniū mamītės žuodiu

Tarītom pakerieta

Ėr aksuomėniu rōnku

Pagluostīta ėš lieta.


Prėglausta, pamīlouta,

Ont skrētas pasvadinta,

Plaukelēs sošokoutās,

Kaseliem dvėm sopintuom.


Basuom kuojeliem pėivuo

Aš sveikinso žuolēlė,

Ėštėisos rōnka vėina

Pamuoso debeselēms.


Jopēlė kvarbatkouta

Ėš tuola švėis rīškiausē...

Vaikīstė – kārta douta,

Tėk če ėšmuokstām džiaugtėis!


Tarp žėidūm napaklīstė

Muokėn moni tievielis.

Gražiausis žėids – vakīstė!

Vo aš – kāp mārgs drogielis!


Jē tēp kėkvėina rīta

Mes lauktomēm dėinēlės...

Drogelēs paskraidīkēm

Tās vaikėškās takelēs!

 


2016 02 27

Eirenė